ஸ்மார்ட்போன் கனவு

இங்கு குறிப்பிடப்பட்டுள்ள பெயர்கள் மற்றும் இடங்கள் கற்பனையானவை.

லிமாஷி சமீபத்தில் தனது பாடசாலை கல்வியை முடித்து விட்டு வெளியேறியவராவாள். அவளிடம் சாதாரண பாவனைக்குரிய (அடிப்படை செயல்பாடுகளுடன்)  தொலைப்பேசியொன்று தான் இருந்தது. பாடசாலை கல்வியை முடித்தவுடன் அவளின் சக நண்பர்களைப் போலவே அவளும் ஸ்மார்ட்போன் ஒன்றை வாங்க ஆசைப்பட்டாள். தொலைபேசியொன்றைத் தேடும் பணியினை மேற்கொண்ட லிமாஷி செய்தித்தாள் விளம்பரங்களை பார்த்துக் கொண்டிருந்தாளும் விளம்பரப்படுத்தப்பட்டிருந்த அனைத்து புதிய தொலைபேசிகளும் மிகவும் விலை உயர்ந்தவையாக இருந்தன. ஆனால் அவளிடம் அவ்வளவு அதிக தொகை பணம் இல்லாததால் அவற்றில் எதையுமே அவளால் வாங்க முடியவில்லை.

ஒரு நாள் அவளது உறவினர் அண்ணன் ஒருவன் அவளிடம் சில ஃபேஸ்புக் பக்கங்களில் பயன்படுத்திய மொபைல் போன்களை இணையத்தில் விற்பனை செய்வதாகக் கூறி அவளிடம் இரண்டு மூன்று பக்கங்களைப் பரிந்துரைத்தான். லிமாஷி தனது சகோதரரின் கணினியைப் பயன்படுத்தி தனது பேஸ்புக் கணக்கில் உள்நுழைந்து அந்தப் பக்கங்களைப் பார்வையிட்டாள். அவள் ஒரு விளம்பரத்தைக் கண்டதோடு விளம்பரப்படுத்தப்பட்டிருந்த பயன்படுத்தப்பட்ட ஸ்மார்ட் தொலைப்பேசி ஒப்பீட்டளவில் நியாயமான விலையில் உள்ளது என்பதைக் கண்டறிந்தார். அவள் அதை வாங்க விரும்புவதாக கூறி விற்பனையாளருக்கு ஒரு தகவலையும் அனுப்பினாள். தொலைபேசியின் விலை  60,000/- ரூபாவாக குறிப்பிடப்பட்டு இருந்தது.

அதை வாங்க லிமாஷியிடம் பணம் இல்லையென்றாலும் அவளுக்கு அதன் தேவை மிகவும் அவசியமாக இருந்தது அவள் தாயிடம் தனது தேவையைக் கூறினாள்.

இதைக் கேட்ட லிமாஷியின் அம்மாவின் மனம் உருகியது.

மகள் தனது பழைய தொலைப்பேசியைப் பற்றி எப்போதுமே குறை சொல்லிக்கொண்டே இருந்ததால், தன் மகளுக்கு புது தொலைப்பேசியொன்றை வாங்கிக் கொடுக்கப் பணம் தேடுவது எப்படி என்று யோசித்தாள்.

கடைசியில், தன் கழுத்து சங்கிலியை அடகு வைக்க நினைத்து, அப்படியே செய்து, பின்பு தேவையான பண தொகையையும் பெற்றாள். இருப்பினும், அவள் தனது மகளிடம் தொலைப்பேசி கையில் கிடைத்த பின்பு மீதி பணத்தை வைப்புச் செய்யுமாறும் தற்போது பாதி தொகை மாத்திரம் செலுத்துமாறும் கூறினாள்.

லிமாஷியும் தனது தாய் சொன்னபடியே கேட்டு, விற்பனையாளரால் பகிரப்பட்ட வங்கிக் கணக்குக்கு 30,000/- ரூபாய் மாத்திரமே  வைப்புச் செய்தாள்.

லிமாஷி மிகவும் உற்சாகமடைந்து தனது ஸ்மார்ட்ஃபோனைப் கையில் பெறுவதற்கான நாட்களை எண்ணிக் கொண்டிருந்தார். நாட்கள் கடந்தும், தான் ஆர்டர் செய்த தொலைப்பேசி வரவில்லை. சில நாட்களுக்குப் பிறகு அவள் விற்பனையாளரை ஃபேஸ்புக்  மெசஞ்சர் மூலம் தொடர்பு கொள்ள முயன்றாள், ஆனால் அவளால் விற்பனையாளரை தொடர்புகொள்ளவே முடியவில்லை.

லிமாஷி மிகவும் ஏமாற்றமடைந்தாள், லிமாஷி தனது தோழியிடம் இந்தக் கதையைச் சொன்னாள். ஹிதவதியூடாக வழங்கப்படும் சேவைகளைப் பற்றி தெரிந்த லிமாஷியின் தோழி ஹிதவதியை தொடர்பு கொள்ளுமாறு லிமாஷியிடம் கேட்டுக்கொண்டாள்
லிமாஷி ஹிதவதியைத் தொடர்பு கொண்டாள், ஹிதவதியின் முகவர்கள்  லிமாஷி சொல்வதைக் கவனமாகக் கேட்டனர். அவள் தேடும் வழிகாட்டுதலை அவர்கள் வழங்கினர். மேலும், ஹிதவதி, இணைய ஸ்கேம்ஸ் (மோசடிகள்) பற்றி லிமாஷிக்கு விளக்கியதுடன், எதிர்காலத்தில் இவை குறித்து மிகவும் கவனமாக இருக்குமாறும் கேட்டுக் கொண்டார்.