நம்பிக்கை அல்லது காமம்

குவைத் நாட்டில் பரபரப்பான ஒரு நகரத்தில் அனுலா என்ற பெண்மணி இருந்தாள். அவள் ஒரு பணக்காரக் குடும்பத்தில் வீட்டு வேலை செய்து வந்தாள். அனுலா கனிவானவள், கடினமாக உழைத்தாள். அவள் தனக்கும் தன் கணவனான சஞ்சயாவுக்கும் ஒரு நல்ல வாழ்க்கையை விரும்பினாள்.

ஒரு நாள் அனுலாவின் போன் உடைந்தது. அப்போது அந்த வீட்டில் சாரதியாகப் பணியாற்றிக் கொண்டிருந்த விக்ரம் என்ற நபர், தான் அதனை பழுதுபார்ப்பதற்கு எடுத்துச் செல்வதாகக் கூறினார். அனுலா அவனை நம்பி தன் கைத்தொலைபேசியை அவனிடம் கொடுத்தாள்.

ஆனால் விக்ரம் நல்லவன் இல்லை; அனுலா அவன் மீது வைத்திருந்த நம்பிக்கையை உடைத்தான். அவன் அவளது தொலைபேசியில் கேலரியை அவதானித்தான். சில படங்களைக் கண்டுபிடித்து அவற்றை மோசமாகத் தோற்றமளிக்கச் செய்தான். பின் அனுலாவை மெதுவாக அச்சுறுத்தல் செய்ய ஆரம்பித்தான். அவன் அவளிடம் பணம் கேட்டு, மோசமாக எடிட் செய்யப்பட்ட படங்களை அவளது கணவருக்கு அனுப்பி வைப்பதாக கூறினான்.

அனுலா மிகவும் பயந்தாள். அவள் அகப்பட்டுவிட்டதை உணர்ந்து மிகவும் வெட்கப்பட்டாள். விக்ரம் அவளுக்கு தொடர்ந்து குறுஞ்செய்திகளை அனுப்பினான், அத்துடன் அவளது உண்மையான படங்களை பெற நினைத்தான், மேலும் வீடியோ அழைப்புகளையும் கோரினான். பீதியடைந்த அனுலா அவனது கோரிக்கைகள் அனைத்தையும் ஏற்றுக்கொண்டாள். அவன் அனுலாவுக்குத் தெரியாமல் அவர்களது வீடியோ அழைப்புகளை பதிவு செய்தான். இப்போது விக்ரம் உண்மையான படங்கள் மற்றும் வீடியோ பதிவுகள் மூலம் அனுலாவை அச்சுறுத்தல் செய்து கொண்டிருந்தான்.

விக்ரம்: இந்தப் படங்களையெல்லாம் உன் கணவனுக்கு அனுப்பப் போகிறேன். பொறுத்திருந்து பார்.

அனுலா: தயவு செய்து அவ்வாறு செய்ய வேண்டாம். என் குடும்ப வாழ்க்கையை சீரழிக்க வேண்டாம்.

அனுலாவுக்கு என்ன செய்வதென்று தெரியவில்லை. அவள் சஞ்சயாவை நேசித்தாள், விக்ரம் அனுப்புவதாக கூறி மிரட்டுவதை சஞ்சயா பார்ப்பதை விரும்பவில்லை. அவள் தனியாக இருப்பதாக உணர்ந்தாள்.

விக்ரம் எந்த இரக்கமும் இல்லாமல், அனைத்து வீடியோக்களையும் படங்களையும் அனுலாவின் கணவருக்கு அனுப்பினான். இதனால் அனுலா கடும் சிக்கலில் சிக்கினாள். அவளுடைய கணவர் அவளைக் குற்றம் சாட்டத் தொடங்கினார், ஒவ்வொரு நாளும் அவளை வற்புறுத்தினார். அதே சமயம், விக்ரமும் அவளை மிரட்டிக்கொண்டிருந்தான், அவள் மூழ்கடிக்கப்பட்டதாக உணர்ந்தாள். அனுலா படிப்படியாக மிகவும் மன உளைச்சலுக்கு ஆளானாள்.

இந்நேரத்தில், இலங்கையில் வசிக்கும் அவளுடைய அத்தான் மட்டுமே அவளுக்கு உதவக்கூடிய நபராக இருந்தார். இப்படியே போனால் அனுலா தற்கொலை செய்து கொள்ள நினைக்கலாம் என்று அவர் கவலைப்பட்டார். எனவே, அவர் இலங்கைக்கு தப்பிச் செல்ல உதவுவதற்காக கடுமையாக உழைத்து அவளை தொலைவில் உள்ள ஓரு மருத்துவமனையில் மறைத்து வைத்தார். இதற்கிடையில், அவளுக்குத் தீங்கு விளைவிக்கும் நோக்கத்தில், அவளுடைய கணவர் அவளைத் தேடிக்கொண்டிருந்தார்.

இந்த நேரத்தில், அனுலாவின் அத்தான் ஹிதவதி இனைத் தொடர்பு கொண்டு அவளது கதையைப் பகிர்ந்து கொண்டார். கவனமாகக் கிரகித்த ஹிதவதி, மருத்துவமனையை விட்டு வெளியேறிய பிறகு அனுலா உணர்ச்சிவசப்பட்டதாக உணர்ந்தால், அனுலாவை Special Mental Health Hotline (1926) இனைத் தொடர்பு கொள்ள வழிகாட்டுமாறு அவருக்கு அறிவுறுத்தினர். மேலும், விக்ரமின் தொலைபேசி இலக்கம் தொடர்பாக வாட்ஸ்அப்பில் அறிக்கையிடவும், அச்சுறுத்தல் குறுஞ்செய்திகளின் அனைத்து ஸ்கிரீன் ஷாட்களையும் வைத்திருக்குமாறு ஹிதவதி பரிந்துரைத்தனர். இறுதியாக, சட்ட உதவிக்காக கணினி குற்றப் புலனாய்வுப் பிரிவை (சிசிஐடி) அணுகுமாறும் ஹிதவதி பரிந்துரைத்தனர்.

ஹிதவதி சரியான நேரத்தில் வழங்கிய ஆலோசனைக்கு அனுலாவின் அத்தான் நன்றி தெரிவித்தார்.