ඔබගේ ෆේස්බුක් ගිණුම සුරක්ෂිත කරගන්නේ කොහොමද?

අවසන් වරට යාවත්කාලීන කලේ 2022/01/17

සෑම ෆේස්බුක් නිෂ්පාදනයක් තුළම ආරක්ෂාව ගොඩනගා ඇති අතර ඔබේ ගිණුමට අමතර ආරක්ෂිත තට්ටුවක් එක් කිරීමට ෆේස්බුක් මඟින් පිවිසුම් ඇඟවීම් (login alerts) සහ ද්වි-සාධක සත්‍යාපනය (two-factor authentication) වැනි ආරක්ෂක විශේෂාංග කිහිපයක් ඉදිරිපත් කරයි. ඔබට ඕනෑම වේලාවක ඔබගේ ආරක්ෂක සැකසුම් (security settings) සමාලෝචනය කර යාවත්කාලීන කළ හැකිය.

ඔබගේ ගිණුම සුරක්ෂිතව තබා ගැනීමට වැදගත් උපදෙස් කිහිපයක් පහත දැක්වේ;

ශක්තිමත් මුරපදයක් (password) සාදා ගන්න. එමෙන්ම ඔබේ පිවිසුම් තොරතුරු (login credentials) කිසිවෙකු සමඟ බෙදා නොගන්න.
හවුලේ පරිගණක (shared computers) භාවිතා කරන විට, ෆේස්බුක් ගිණු‍මෙන් ඉවත් වීමට (log-out) අමතක නොකරන්න.
නොදන්නා අයගේ මිතුරු ඉල්ලීම් (friend requests) භාර නොගන්න.
අනිෂ්ට මෘදුකාංග (malicious software) අඩංගු විය හැකි සැක සහිත සබැඳි (links) මිතුරන්ගෙන් පැමිණි ඒවා ලෙස පෙනුනත් කිසි විටෙකත් ක්ලික් නොකරන්න. ඕනෑම ලින්ක් එකක් සැබෑද ව්‍යාජද කියා දැන ගන්නේ කෙසේදැයි මෙතැනින් සොයා දැනගන්න.
ද්වි-සාධක සත්‍යාපනය (two-factor authentication) භාවිතා කරන්න.

ඔබගේ ෆේස්බුක් ගිණුමේ ඉහළ දකුණේ ක්ලික් කරන්න.
‘සැකසීම්’ (Settings) තෝරන්න.
ඉන්පසු වම් තීරුවේ ‘ආරක්ෂාව සහ පුරනය’ (Security and login) ක්ලික් කරන්න.
පහළට අනුචලනය (scroll) කර පහත දැක්වෙන පරිදි ‘ද්වි-සාධක සත්‍යාපනය භාවිතා කරන්න’ (Use two factor authentication) යන්න ක්ලික් කරන්න.
ඉන්පසු ‘ආරම්භ කරන්න’ (Get started) යන්න ක්ලික් කරන්න
නව කවුළුව (window) තුළ, ඔබේ ගිණුමට ලොග් වීමට කේතය (code) ලැබිය යුතු ආකාරය තෝරන්න (SMS මගින් හෝ Authenticator විශේෂිත මෘදුකාගය මගින්)
ඉදිරියට යාමට ‘ඊළඟ’ (Next) ක්ලික් කර තිරයේ උපදෙස් අනුගමනය කරන්න.
තෝරාගත් සත්‍යාපන ක්‍රමය ‘සක්‍රීය කරන්න’ (Enable).