தூதருக்கான வாக்கு

இங்கு குறிப்பிடப்பட்டுள்ள பெயர்களும் இடங்களும் கற்பனையானவை.

மிலான் வடக்கு மாகாணத்தில் சிறிலங்கா இராணுவத்துடன் இணைக்கப்பட்டிருந்தார் இரண்டு வார விடுமுறைக்காக வீட்டிற்கு வந்திருந்தார். ஓய்வெடுப்பதற்கும், நண்பர்களுடன் தொடர்புகளை ஏற்படுத்திக் கொள்ளவும், குடும்பத்துடன் நேரத்தை செலவிடவும் இது அவருக்கு வாய்ப்பாக அமைந்தது. அத்துடன் அவர் தனது சமூக ஊடக வலைத்தளங்களைப் பயன்படுத்திக்கொள்ளவும் நேரம் போதுமானதாக இருந்தது, இராணுவ முகாமில் இருந்தபோது அதற்கான நேரம் அவருக்கு மிகவும் அரிதாகவே காணப்பட்டது எனலாம்.

ஒரு நாள், அவரது நெருங்கிய தோழனும், சக ராணுவ ஊழியருமான டக்சிதவிடமிருந்து ஒரு குறும்செய்தி வந்திருந்ததை அவர் பார்த்தார்.

மிலான் இதைப் பார்த்து ஆச்சரியப்பட்டார், ஏனெனில் அவர் கடைசியாக அவரது நண்பனைச் சந்தித்து இரண்டு நாட்கள் மட்டுமே ஆகியிருந்தது. மிகவும் குழப்பமடைந்த மிலான், உடனடியாக நண்பன் டக்சிதவுக்கு அழைப்பை ஏற்படுத்தினான், ஆனால் அவனிடமிருந்து பதில் இல்லை. அவன் மீண்டும் முயற்சித்தான், ஆனால் மிலானுக்கு ஏமாற்றத்தையே தரும் வகையில், இன்னும் அவனது நண்பனிடமிருந்து பதில் கிடைக்கவில்லை. அந்த நேரத்தில், டக்சித ஒரு பயிற்சித் திட்டத்தில் இருந்ததும், அவனால் அழைப்பை ஏற்க முடியாது என்பதும் மிலானுக்கு நினைவு வந்தது.

அந்த நாள் முடிந்தது, மறுநாள் காலை மிலான் தனது பழைய பள்ளி நண்பர்களுடன் காலிக்கு ஒரு சுற்றுலா சென்றான், ஆனால் அவன் அப்பொழுதும் டக்சிதவின் வித்தியாசமான குறும் செய்தியால் குழப்பமடைந்திருந்தான். அவன் தனது நண்பர்களுடன் அரட்டை அடித்துக் கொண்டிருக்கும் போது, ​​இதைப்பற்றி அவர்களுடன் பகிர்ந்து கொண்டான், அப்பொழுது அவனது நண்பர் ஒருவர் யூடியூப் சேனலில் ஆன்லைன் மோசடிகளைப் பற்றிப் பேசுவதில் பெயர் பெற்ற ஹிதவதியிடம் இதுகுறித்து பேசி உறுதிப்படுத்திக்கொள்வது சிறந்தது என்று பரிந்துரைத்தார்.

மிலான் அதற்கு சம்மதித்து ஹிதவதிக்கு அழைப்பை ஏற்படுத்தி நிலைமையை எடுத்துக் கூறினான், ஹிதவதி மிலான் சொல்வதை கவனமாகக் கேட்டார்.