යමෙකු විසින් ඔබේ ටික්ටොක් (TikTok) ගිණුම අනවසරයෙන් උදුරා ගෙන විකෘති කර (hacked) තිබේ නම්

අවසන් වරට යාවත්කාලීන කලේ 2020/12/04

ඔබේ ටික්ටොක් ගිණුමෙහි පහත සඳහන් සැක සහිත හැසිරීම් දක්නට ඇත්නම්, බොහෝ විට එය යමෙකු විසින් අනවසරයෙන් උදුරා ගෙන විකෘති කිරීමක් විය හැක:

ඔබගේ මුරපදය (password), ආරක්ෂක ඉ-තැපැල් ලිපිනය සහ සම්බන්ධිත දුරකථන අංකය වෙනස් කර තිබීම.
ඔබගේ පරිශීලක නාමය (username) හෝ අන්වර්ථ නාමය (nickname) වෙනස් කිරීම.
ඔබගේ අවසරයකින් තොරව වීඩියෝ මකා දැමීම / පළ කිරීම
ඔබ කවදාවත් නොලියූ පණිවිඩ යවා තිබීම

ඔබගේ ගිණුම අවුල් වී ඇති බවට ඔබ සැක කරන්නේ නම්, කරුණාකර ඔබගේ ගිණුම සුරක්ෂිත කර ගැනීම සඳහා පහත පියවර අනුගමනය කරන්න:

මුරපදය වෙනස් කරන්න: ටික්ටොක් හි, මුරපදය වෙනස් කිරීමෙන් පසු අනවසරයෙන් ඔබේ ගිණුමට පිවිසි තැනැත්තා (hacker) ඉන් පහව යයි.

ගිණුමේ තොරතුරුවල නිවැරදි බව පිරික්සන්න: ටික්ටොක් හි සැකසුම් (settings) යටතේ “මගේ ගිණුම කළමනාකරණය කරන්න” (Manage My Account) තෝරා අදාළ ගිණුමේ තොරතුරු නිවැරදිව තිබේ දැයි පරීක්ෂා කරන්න.

ඔබට මුරපදය වෙනස් කළ නොහැකි නම්, කරුණාකර In-app Feedback හරහා ටික්ටොක් අමතන්න. (App settings – Report a Problem).

මුරපදය (password) වෙනස් කිරීමට සහ ගිණුම් තොරතුරු සත්‍යාපනය කිරීමට (verify) ඔබට පහත පෙන්වා ඇති පියවර අනුගමනය කළ හැකිය.